Haqqımda
Dr. Arzu Məmmədova
Həkim-terapevt kimi başlayan, sonra bütünlüklə estetik tibbə keçən bir yol. Bu gün əsas fəaliyyət sahəm inyeksion və aparat kosmetologiyası, həmçinin həkimlər üçün təlimlərdir.
Peşə yolu
-
2000
Azərbaycan Tibb Universitetini müalicə işi ixtisası üzrə bitirmişəm.
-
2000–2001
Respublika Klinik Xəstəxanasının endokrinologiya və kardiologiya şöbələrində internatura keçmiş və həkim-terapevt ixtisasını almışam.
-
2001–2008
Həkim-terapevt kimi çalışmışam.
-
2002
Estetik kosmetologiya üzrə ilk kursları keçmişəm.
-
2017-ci ildən sonra
Kiyev, Ukrayna şəhərində Aesthetic Consilium School proqramı üzrə — yalnız ali tibb təhsilli mütəxəssislər üçün nəzərdə tutulmuş kosmetoloji təhsil almışam. O vaxtdan həkim-kosmetoloq kimi fəaliyyət göstərirəm.
-
2022
İsveçrənin Teoxane şirkətinin Azərbaycan üzrə təlimçisi seçilmişəm.
-
2023
İsrailin InMode şirkətinin Azərbaycan üzrə klinik təlimçisi seçilmişəm.
Yanaşmam
Estetik tibbdə mənim üçün başlanğıc nöqtəsi prosedur deyil, müayinədir. Eyni şikayət fərqli insanlarda tamam fərqli səbəblərdən yarana bilər və buna görə də hazır “paket” həllər təklif etmirəm.
Baza ixtisasım terapevtlikdir. Bu, dərini ayrıca bir səth kimi deyil, orqanizmin ümumi vəziyyətinin bir hissəsi kimi görməyə kömək edir — qəbul edilən dərmanlar, hormonal fon, xroniki xəstəliklər və həyat tərzi dəri üzərində birbaşa iz buraxır.
İkinci prinsip ölçüdür. Məqsəd üz cizgilərini dəyişmək deyil, onları qorumaqdır: mimikanı saxlayan, təbii görünən və zaman keçdikcə süni görünməyən nəticə. Bəzən ən düzgün tövsiyə prosedurun təxirə salınması və ya ümumiyyətlə edilməməsi olur.
Baza ixtisasım barədə
Mən həkim-terapevtəm və estetik tibb sahəsində həkim-kosmetoloq kimi çalışıram. Dermatoloq və ya cərrah deyiləm. Dermatoloji diaqnoz, onkoloji şübhə və ya cərrahi müdaxilə tələb edən hallarda müvafiq mütəxəssisə yönləndirmə aparıram.
İş dilləri
- Azərbaycan dili
- Rus dili
- İngilis dili
Peşəkar fəaliyyət
Təlimçilik və akademik iş
Praktikaya paralel olaraq həkimlər və sahə mütəxəssisləri üçün təlimlər keçirirəm.
-
Teoxane (İsveçrə)
2022-ci ildən şirkətin Azərbaycan üzrə təlimçisi və lokal spikeri. Teoxane Academy çərçivəsində hialuron turşusu əsaslı preparatların tətbiqi, inyeksiya texnikaları və üz anatomiyasının analizi üzrə nəzəri və praktiki dərslər aparıram.
-
InMode (İsrail)
2023-cü ildən şirkətin Azərbaycan üzrə klinik təlimçisi. Morpheus8, Fractora, Lumecca, DiolazeXL və Triton platformaları üzrə müxtəlif klinikalarda təlim və nümayişlər keçirmişəm.
-
AWWA Akademiyası
Aesthetic & Wellness World Academy-nin müəllim heyətinin üzvüyəm. Akademiya tələbələri üçün mezoterapiya və Teoxane preparatlarının tətbiqi üzrə dərslər keçmişəm.
-
Konqres iştirakı
AAAMC (2017, 2018, 2019, 2021, 2022), IESTC 2019, Viva la Vida 2023, Baku Derma 2025 və digər konqreslər. 2023-cü ildə 9-cu AAAMC konqresinin Teoxane prekursunda məruzəçi olmuşam.
Tam siyahı
Konsultasiyaya yazılın
Sizi narahat edən məsələni müzakirə etmək üçün zəng edə və ya WhatsApp vasitəsilə yaza bilərsiniz.