Peşəkar fəaliyyət
Təlimçilik və konqreslər
Xəstə qəbulu ilə paralel olaraq həkimlər və sahə mütəxəssisləri üçün təlimlər keçirirəm. Aşağıdakı siyahı iştirak etdiyim təlim və konqreslərdən ibarətdir.
Təlimçi rolları
-
Teoxane — İsveçrə
2022-ci ildən şirkətin Azərbaycan üzrə təlimçisi və lokal spikeri. Teoxane Academy çərçivəsində hialuron turşusu əsaslı preparatların tətbiqi, inyeksiya texnikaları, üz anatomiyasının analizi və fərdi yanaşma prinsipləri üzrə nəzəri və praktiki dərslər aparıram.
-
InMode — İsrail
2023-cü ildən şirkətin Azərbaycan üzrə klinik təlimçisi. Morpheus8, Fractora, Lumecca, DiolazeXL və Triton platformaları üzrə müxtəlif klinikalarda təlim və nümayişlər keçirmişəm.
-
AWWA Akademiyası
Aesthetic & Wellness World Academy-nin müəllim heyətinin üzvüyəm. Akademiya tələbələri üçün mezoterapiya dərsləri və Teoxane preparatlarının tətbiqi üzrə təlimlər keçmişəm.
Tədris etdiyim mövzulardan
Hialuron turşusu əsaslı preparatların seriyaları və seçim meyarları · inyeksiya texnikaları və təhlükəsizlik · üz anatomiyasının analizi · periorbital nahiyənin korreksiyası · iynəli RF və lazer platformalarında protokolun qurulması.
Konqres və təlim iştirakı
-
2017 — 2022
AAAMC — Azerbaijan Aesthetic & Anti-Age Medicine Congress (2017, 2018, 2019, 2021, 2022).
-
2019
IESTC.
-
Oktyabr 2023
9-cu AAAMC konqresi, Heydər Əliyev Mərkəzi — Teoxane prekursunda məruzəçi. Konqres Səhiyyə Nazirliyinin Elmi-Tibbi Şurasının qərarı ilə akkreditasiya olunmuş və 22 DTT kredit balı ilə qiymətləndirilmişdi.
-
2023
Viva la Vida Konqresi.
-
Aprel 2024
III Teoxane Academy Injection Show — Budapeşt, Macarıstan.
-
May 2024
La Roche-Posay dermatoskopiya üzrə baza kursu — prof. Raimonds Karlsın rəhbərliyi ilə.
-
2024
AWWA və AWA-nın təşkilatçılığı ilə İ. M. Seçenov adına Universitetin Bakı filialında disseksiya (anatomiya) kursu.
-
May 2025
Baku Derma Congress.
-
Oktyabr 2025
APTOS Azerbaijan konfransı və XX “Kolxida” Konqresi (Gürcüstan).
-
Noyabr 2025
Beautyworld Central Asia — Daşkənd, Özbəkistan.
Bundan əlavə, anatomik biliklərin təkmilləşdirilməsi üçün kadaver (disseksiya) təlimlərində dəfələrlə iştirak etmişəm; botulinoterapiya, kontur plastikası və sap texnologiyaları üzrə beynəlxalq təlimçilərin ustad dərslərində iştirak davam edir.
Niyə bu vacibdir
Estetik tibb sürətlə dəyişən sahədir: preparatlar, protokollar və təhlükəsizlik tövsiyələri yenilənir. Bir dəfə öyrənilmiş texnika bir neçə ildən sonra artıq ən düzgün variant olmaya bilər.
Təlimçi kimi işləmək məni öz protokollarımı mütəmadi olaraq nəzərdən keçirməyə məcbur edir — çünki bir texnikanı başqa həkimlərə izah etmək üçün onu yalnız tətbiq etməyi deyil, niyə məhz belə tətbiq olunduğunu da bilmək lazımdır.
Xəstə üçün nə deməkdir
Təlimçi statusu nəticəyə zəmanət vermir və heç bir prosedurun riskini aradan qaldırmır. O yalnız onu göstərir ki, işlədiyim protokollar istehsalçının rəsmi təlim materialları ilə uzlaşdırılıb və mütəmadi yenilənir.